Выбраныя здымкі
Выгляд могілак ад Экімані Фота © Міхась Баўтовіч |
Фота © Иван Бай |
Каменны крыж на Экіманскіх могілках Фота © Міхась Баўтовіч |
Месьцяцца на высокім правым беразе ручая Слаўнага (або Саловіна) насупраць Іванаўскага вострава. Час закладаньня іх невядомы. На могілках маюцца рэшкі каменных помнікаў пачатку ХХ ст. і шмат каменных крыжоў з невыразнымі надпісамі або бязь іх. Адна з захаваных старых магілаў мае каменную абкладку.
Скандынаўскія крыніцы, а менавіта "Аповед пра Торвалада Вандроўніка" (Þorvalds þáttur víðförla) паведамляе, што ісляндзкі місіянер пасьля пілігрымкі да Ерусаліму збудаваў на ўласныя сродкі ля галоўнае царквы Яна Хрысьціцеля на востраве манастыр. "Сага аб хросьце" (Kristni saga) удакладняе, што знаходзіўся той ля Полацка. Апроч таго згадана, што манастыр, дзе правёў Торвалад апошнія гады, стаяў ля высокае гары ў Дроўне (Dröfn). Спачыў Торвалад у манастырскай цішы недзе каля 1000 году. Кампілятар "Сагі аб хросьце", які быў схільным да дакладнага пазначэньня датаў і месцаў падзеяў, дадае, што празь 50 гадоў, то бок у часы Ўсяслава Чарадзея, іншы вандроўнік імем Бранд наведаў магілу Торвалада і засьведчыў наяўнасьць тут культу шанаваньня гэтага Сьвятога.
Калі ўлічыць, што могілкі знаходзяцца на высокім беразе побач з в Іванаўскім востравам, на якім паводле крыніцаў здавён-даўна стаяў манастыр Яна Хрысьціцеля, ёсьць падставы для дапушчэньня, што недзе тут мог быць пахаваны адзін з знакамітых місіянераў.
Скандынаўскія крыніцы, а менавіта "Аповед пра Торвалада Вандроўніка" (Þorvalds þáttur víðförla) паведамляе, што ісляндзкі місіянер пасьля пілігрымкі да Ерусаліму збудаваў на ўласныя сродкі ля галоўнае царквы Яна Хрысьціцеля на востраве манастыр. "Сага аб хросьце" (Kristni saga) удакладняе, што знаходзіўся той ля Полацка. Апроч таго згадана, што манастыр, дзе правёў Торвалад апошнія гады, стаяў ля высокае гары ў Дроўне (Dröfn). Спачыў Торвалад у манастырскай цішы недзе каля 1000 году. Кампілятар "Сагі аб хросьце", які быў схільным да дакладнага пазначэньня датаў і месцаў падзеяў, дадае, што празь 50 гадоў, то бок у часы Ўсяслава Чарадзея, іншы вандроўнік імем Бранд наведаў магілу Торвалада і засьведчыў наяўнасьць тут культу шанаваньня гэтага Сьвятога.
Калі ўлічыць, што могілкі знаходзяцца на высокім беразе побач з в Іванаўскім востравам, на якім паводле крыніцаў здавён-даўна стаяў манастыр Яна Хрысьціцеля, ёсьць падставы для дапушчэньня, што недзе тут мог быць пахаваны адзін з знакамітых місіянераў.
Міхась Баўтовіч