> Мінская вобласць > Мінскі раён > мястэчка Самахвалавічы
Самахвалавічы. Царква Святога Духа

Самахвалавічы - фота і помнікі

Першая пісьмовая згадка: 1582

Магчымыя варыянты:
Самахвалавічы Самохваловичи Samochwałowicze Samachvałavičy Samohvalovichi Samochwalowicze Samakhvalaviczy

Каардынаты:
53° 44'23.36"N, 27° 30'4.05"E

Што паглядзець у Самахвалавічах

Страчаная спадчына

Гісторыя Самахвалавічаў

Назва мястэчка Самахвалавічы ўтворана ад прозвішча Самахвал. У 1582 г. вядомае сяло Самохваловичи — цэнтр маёнтка, уласнасць М. Валадковіча, меліся карчма, стадола. У 1600 г. — сяло, уласнасць Валадковіча, двор. У 1667 г. Самофаловичи — маёнтак, уласнасць Валадковіча, 21 дым, карчма, млын. У 1791 г. Самохваловиче — веска, цэнтр маёнтка (5 вёсак) Каралішчавіцкай парафіі, уласнасць Пузыны, 2 двары, 44 дымы, карчма; пад тым жа годам пазначана як Самохваловичи — мястэчка маёнтка Самахвалавічы Менскай парафіі, уласнасць Пузыны, 66 дымоў, уніяцкая царква.

У 1800, 1815 гг. - мястэчка, двор, фальварак і веска, уласнасць войскага М. Пузыны. У мястэчку 203 жыхары, 22 двары, з іх 16 габрэйскіх двароў. Мястэчка і вёска Самахвалавічы былі размешчаны на правым беразе р. Пціч, мястэчка абапал старой слуцкай дарогі. Мелася драўляная уніяцкая царква і уніяцкая школа. На рацэ Пціч грэбля, мост, 2 млыны (на 2 і на 3 паставы), сукнавальня.

У двары меўся драўляны панскі дом, рэгулярнай планіроўкі сад. У вёсцы 26 двароў, 128 жыхароў. У 1858 г. — мястэчка і маёнтак Я. Пузыны. У 1861 г. — мястэчка Самахвалавіцкай воласці, 46 двароў, 406 жыхароў, 2 царквы, 2 габрэйскія малітоўныя дамы, вадзяны млын. У 1863 г. пабудавана новая праваслаўная царква, у тым жа годзе адкрыта народнае вучылішча. У 1897 г. ў мястэчку 79 двароў, 679 дамоў, 527 жыхароў, валасное праўленне, 4 кузні, народнае вучылішча, прыёмны пакой, царква, капліца, 2 габрэйскія малітоўныя дамы, 15 крам, карчма; у вёсцы Самахвалавічы 33 двары, 184 жыхары, хлебазапасны магазін; у маёнтку 5 двароў, 52 жыхары. У 1917 г. ў мястэчку 132 двары, 807 жыхароў; у вёсцы 38 двароў, 197 жыхароў; у маёнтку двор, 89 жыхароў. У 1941 г. ў пасёлку 99 двароў, 433 жыхары; у вёсцы 40 двароў, 262 жыхары. На 1.1.1997 г. Самахвалавічы — цэнтр сельсавета, 958 гаспадарак, 2576 жыхароў, сярэдняя школа, Дом культуры, амбулаторыя, аддзяленне сувязі.

Літ. (з змяненнямі):
Памяць. Мінскі раён
Мінск, Беларуская Энцыклапедыя, 1998

Самахвалавічы. : Адметнасці | фота выбраных помнікаў

Самахвалавічы.  Краявіды

Самахвалавічы. Краявіды Краявід пры ўездзе ў мястэчка з боку Атоліна Фота © К. Шастоўскі

Самахвалавічы. : Страчаная спадчына | фотаздымкі

Самахвалавічы.  Царква Святога Духа

Самахвалавічы. Царква Святога Духа (< 1739 (1), 1863 (2)) Здымак пач. XX ст.