> Віцебская вобласць > Полацкі раён > вёска Калектыўная (Муміна)

Калектыўная (Муміна) на мапе

Калектыўная (Муміна) - фота і помнікі

Магчымыя варыянты:
Калектыўная (Муміна) Коллективная (Мумина) Kolektywnaja (Mumina) Kalektyŭnaja (Mumina) Льнозавод Мумино Mumino

Каардынаты:
55° 32'3.12"N, 28° 43'8.41"E

Што паглядзець у Калектыўнай

Гісторыя Муміна (Калектыўнай)

У XVII-XVIIІ стст. землі вакол возера Ропна належалі Полацкаму Багаяўленскаму праваслаўнаму манастыру. Тут стаяла драўляная царква, якая з цягам часу заняпала і струхнела. У 1790 г. на беразе возера была збудаваная з цэглы новая царква Сьвятога Міколы. Да праекту царквы мог мець дачыненьні італьянскі архітэктар Джакома Кварэнгі, які выканаў праект будынкаў Багаяўленскага манастыра ў Полацку, або нехта зь ягоных памагатых.

Штогод 9-га траўня на "храмавае" сьвята сьв. Міколы з Багаяўленскага манастыру сюды накіроўвалася крыжовая працэсія ўсяго манастырскага духавенства, манахаў і вялікай колькасьці вернікаў. Служылася ўрачыстая багаслужба з удзелам архімандрыта, а іншым разам і япіскапа Полацкага і Віцебскага.

Ля царквы ёсьць невялічкія могілкі, дзе хавалі архімандрытаў Багаяўленскага манастыра. Да пачатку рэканструкцыі ў 1998 годзе тут захоўваліся надмагільныя пліты XІХст.: архімандрыта Полацкага Багаяўленскага манастыра Палікарпа Пясецкага (+1853), тытулярнага дарадцы Трынтроха П.Л. (+1848), надворнай дарадніцы Кузьміной Е.А. (+1848) з дачкой Любоўю Мікалаеўнай (+1848). Пасьля пачатку рамонта яны некуды зьвезеныя.

У 1906 годзе вёска, дзе стаяла царква звалася Муміна і ўваходзіла ў склад Замшанскае воласьці Полацкага павету. Землі вакол як і ў суседніх вёсках Копцева й Ропна належалі Копцеўскаму вясковаму таварыству. Царква не была прыхадзкой, а вяскоўцы былі прыпісаныя да полацкага праваслаўнага прыходу.

У часы Другой Сусьветнае вайны ў выніку баявых дзеяньняў па авалоданьню Полацкам савецкімі войскамі 01-04.07.1944 вёска значна пацярпела. Тут 190-я, 360-я і 332-я стралковыя дывізіі 83-га стралковага корпусу 4-й ударнай арміі 1-га Прыбалтыйскага фронту спрабавалі прарваць абарону 205-й і 290-й пяхотных дывізіяў 16-й арміі групоўкі “Поўнач”, каб замкнуць кола вакол горада.

Пасьля вайны ў 1944-45 годзе жыхары Муміна былі расьселеныя па суседніх вёсках, а вёска ліквідаваная. Аднак у 1952 годзе побач з захаванаю царквой на беразе возера была збудаваная ільнофабрыка. Паступова вакол паўстала невялікае паселішча, што напачатку мела назву пасёлак ільнозаводу, а ад канца 1960-х гадоў атрымала афіцыйную назву Калектыўная. На жаль старая назва вёскі Муміна не была вернутая.

Назвы навакольля цягам стагодзьдзяў зьмяняюцца, а царква ўсё стаіць на высокім азёрным беразе.

Міхась Баўтовіч

Калектыўная (Муміна). : Адметнасці | фота выбраных помнікаў

Калектыўная (Муміна).  Царква Святога Мікалая

Калектыўная (Муміна). Царква Святога Мікалая (1790) Фота © Иван Бай